Շիրակի մարզի ընդհանուր իրավասության դատարանում այսօր` սեպտեմբերի 27-ին, շարունակվեց Կարեն Եսայանի սպանության գործի դատավարությունը: Այս դատական նիստի ընթացքում փակվեց մեղադրող կողմի հիմնական ապացույց հանդիսացող տեսաերիզների և դիվիառների դիտման փուլը և հաջորդեց մյուս իրեղեն ապացույցների հրապարակումը և փորձագետների հարցաքննոթյունը: Բավականին լարված մթնոլորտում ընթացող դատական նիստին հրապարակվեցին իրեղեն ապացույց հանդիսացող հագուսը, կոշիկները, սակայն պարկերիի բացման ժամանակ պաշտպանական կողմը բազմիցս ուշադրություն հրավիրեց փաթեթավորման և կնիքման շուրջ, նույնիսկ ցույց տվեց ինչպես հնարավոր է առանց թուղթը վնասելու գրասենյակային կարիչով նույն թուղթը , միևնույն անցքերով կարել, բացի այդ ասեղի միջոցով քանդեց քարկապը առանց վնասելով թելը, սակայն մեղադրող կողմը պարբերաբար հակառակն էր պնդում, որ անհնար է:  Այնուհետև ամբաստանյալ Հարություն Սարգսյանի հարցաքննությունը հետաձգվեց վերջինիս անպարաստ լինելու պատճառով, որի կապակցությամբ միջնորդություն ներկայացվեց ամբաստանյալի հարցաքննությունը հետաձգել և հրավիրել փորձագետներին դատարանում ցուցմունք տալու համար: Փորձագետ` Ս. Գրիգորյանի, ցուցմունքի ժամանակ անճշտություն եղավ կապված փաթեթների հետ,  փորձագետը սխալմամբ նշեց, որ ստացել է 4 տեսասարք և մեկ սկավառակ` բանկոմատի ձայնագրությամբ, ապա իր կողմից արված եզրակացությանը ծանոթանալուց հետո և մեղադրող կողմի հարցադրումից հետո նշեց, որ սխալվել է: Ստացել է 5 տեսասարք: Սակայն նշենք, որ նախորդ դատական նիստում ևս վիճարկվում է 6 տեսասարէերի առկայությունը, որոնցից 2-ը կրում էին նույն 1-ին փաթեթ անունը:  Ինչ վերաբերվոմ է տեսասարքերի վրա կոդերի առկայությանը, ապա փորձագետը նշեց, որ եթե առկա է եղել, կամ իր կողմից է դրվել,  ապա  անխտիր կնշվեր այդ մասին փորձագիտական եզրակացության մեջ: Ի հավելումն փորձագետը նաև նշեց, որ փաթեթների ստանալուց հետո մինչև բացելը նկարվում են , ապա նկարները պահվում են փորձագիտական կենտրոնում:

Դատական նիստը հետաձգվեց: